Fréttir
Hvalfjarðargöng lokuð 15. maí frá klukkan 21-23 vegna brunaræfingar
Göngin um Hvalfjörð verða lokuð miðvikudaginn 15. maí frá klukkan 21-23 vegna umfangsmikillar brunaæfingar á vegum Vegagerðarinnar, Slökkviliðs Akraness og Hvalfjarðarsveitar og Slökkviliðs höfuðborgarsvæðisins. Hjáleið verður um Hvalfjörð (47) meðan á æfingunni stendur.
Mjóafjarðarheiði opnuð
Vegurinn um Mjóafjarðarheiði hefur verið opnaður og er fær vel útbúnum bílum. Búið er að stinga í gegnum skaflana sem margir hverjir eru allt að fjögurra metra háir. Mikill snjór er enn á heiðinni og krapi og klaki á veginum. Áfram verður unnið að því að breikka leiðina og gera útskot svo bílar geti mæst með góðu móti.
Á 174 km hraða í gegnum vinnusvæði
Vel var mætt á morgunfund Vegagerðarinnar um öryggi starfsfólks við vegavinnu sem haldinn var þriðjudaginn 7. maí. Meðal fyrirlesara var Ágúst Jakob Ólafsson, yfirverkstjóri ÍAV, sem greindi frá því að bílar hafi mælst aka á yfir 170 kílómetra hraða í gegnum vinnusvæði þar sem hámarkshraði er merktur 50 km/klst.
